अध्याय 16: ऋक्षशीलाध्यायः

बृहज्जातक · Brihat Jataka, chapter 16 (Birth nakshatra (the Moon in each nakshatra))

14 श्लोक

  1. श्लोक 1कुंडली के 2 नियमप्रियभूषणः सुरूपः सुभगो दक्षोऽश्विनीषु मतिमांश्च ।कृतनिश्चयसत्यारुग्दक्षः सुखितश्च भरणीषु ॥ १ ॥
  2. श्लोक 2कुंडली के 2 नियमबहुभुक्परदाररतस्तेजस्वी कृत्तिकासु विख्यातः ।रोहिण्यां सत्यशुचिः प्रियव्वँदः स्थिरमतिः सुरूपश्च ॥ २ ॥
  3. श्लोक 3कुंडली के 2 नियमचपलश्चतुरो भीरुः पटुरुत्साही धनी मृगे भोगी ।शठगर्वितः कृतघ्नो हिंस्रः पापश्च रौद्रर्क्षे ॥ ३ ॥
  4. श्लोक 4कुंडली के 1 नियमदान्तः सुखी सुशीलो दुर्मेधा रोगभाक्पिपासुश्च ।अल्पेन च सन्तुष्टः पुनर्वसौ जायते मनुजः ॥ ४ ॥
  5. श्लोक 5कुंडली के 2 नियमशान्तात्मा सुभगः पण्डितो धनी धर्मसंसृतः पुष्ये ।शठसर्वभक्षपापः कृतघ्नधूर्तश्च भौजङ्गे ॥ ५ ॥
  6. श्लोक 6कुंडली के 2 नियमबहुभृत्यधनो भोगी सुरपितृभक्तो महोद्यमः पित्र्ये ।प्रियवाग्दाता द्युतिमानटनो नृपसेवको भाग्ये ॥ ६ ॥
  7. श्लोक 7कुंडली के 2 नियमसुभगो विद्याप्तधनो भोगी सुखभाग्द्वितीयफाल्गुन्याम् ।उत्साही धृष्टः पानपोऽघृणी तस्करो हस्ते ॥ ७ ॥
  8. श्लोक 8कुंडली के 2 नियमचित्राम्बरमाल्यधरः सुलोचनाङ्गश्च भवति चित्रायाम् ।दान्तो वणिक्कृपालुः प्रियवाग्धर्माश्रितः स्वातौ ॥ ८ ॥
  9. श्लोक 9कुंडली के 2 नियमईर्ष्युर्लुब्धो द्युतिमान्वचनपटुः कलहकृद्विशाखासु ।आढ्यो विदेशवासी क्षुधालुरटनोऽनुराधासु ॥ ९ ॥
  10. श्लोक 10कुंडली के 2 नियमज्येष्ठासु न बहुमित्रः सन्तुष्टो धर्मकृत्प्रचुरकोपः ।मूले मानी धनवान्सुखी न हिंस्रः स्थिरो भोगी ॥ १० ॥
  11. श्लोक 11कुंडली के 2 नियमइष्टानन्दकलत्रो मानी दृढसौहृदश्च जलदैवे ।वैश्वे विनीतधार्मिकबहुमित्रकृतज्ञसुभगश्च ॥ ११ ॥
  12. श्लोक 12कुंडली के 2 नियमश्रीमाञ्छ्रवणे श्रुतवानुदारदारो धनान्वितः ख्यातः ।दाता आढ्यः शूरो गीतप्रियो धनिष्ठासु धनलुब्धः ॥ १२ ॥
  13. श्लोक 13कुंडली के 2 नियमस्फुटवाग्व्यसनी रिपुहा साहसिकः शतभिषजि दुर्ग्राह्यः ।भाद्रपदासूद्विग्नः स्त्रीजितधनी पटुरदाता च ॥ १३ ॥
  14. श्लोक 14कुंडली के 2 नियमवक्ता सुखी प्रजावान् जितशत्रुर्धार्मिको द्वितीयासु ।सम्पूर्णाङ्गः सुभगः शूरः शुचिरर्थवान्पौष्णे ॥ १४ ॥
अपनी कुंडली देखें (मुफ़्त)लग्न, राशि, नक्षत्र-पद और दशा — आपके फ़ोन परव्यावहारिक कुंडली विज्ञानकुंडली पढ़ने की चरणबद्ध हिंदी अध्ययन-पुस्तक

यह पुस्तक शैक्षिक अध्ययन-सामग्री है। इसमें दी गई ज्योतिषीय व्याख्याएँ पारंपरिक और सांस्कृतिक अध्ययन के लिए हैं; वे निश्चित भविष्यवाणी, चिकित्सा, कानूनी या वित्तीय सलाह नहीं हैं।