अध्याय 56: मंगलान्तर्दशाफलाध्यायः

बृहत् पाराशर होराशास्त्र · Brihat Parashara Hora Shastra, chapter 56 (Mangal Antardasha Phal)

73 श्लोक · 1 श्लोकों का पाठ अभी जाँच में है, इसलिए नहीं दिखाए

1. श्लोक 1कुंडली के 1 नियमकुजे स्वान्तर्गते भौमे लग्नात्केन्द्रत्रिकोणगे ।लाभे वा शुभसंयुक्ते दुश्चिक्ये धनसंयुते ॥ 1 ॥
2. श्लोक 2कुंडली के 1 नियमलग्नाधिपेन संयुक्ते राजानुग्रहवैभवम्‌ ।लक्ष्मीकटाक्षचिह्नानि नष्टराज्यार्थलाभकृत्‌ ॥ 2 ॥
3. श्लोक 3कुंडली के 2 नियमपुत्रोत्सवादि सन्तोषो गृहे गोक्षीरसंकुलम्‌ ॥स्वोच्चे वा स्वर्क्षगे भौमे स्वांशे वा बलसंयुते ॥ 3 ॥
4. श्लोक 4कुंडली के 1 नियमगृहक्षेत्राभिवृद्धिश्च गोमहिष्यादि लाभकृत्‌ ।महाराजप्रसादेन स्वेष्टसिद्धिः सुखावहा ॥ 4 ॥
5. श्लोक 5कुंडली के 1 नियमअथाष्टम व्यये भौमे पापदृग्योगसंयुते ।मूत्रकृच्छ्रादिरोगश्च कष्टाधिक्यं व्रणाद्भयम्‌ ॥ 5 ॥
6. श्लोक 6कुंडली के 2 नियमचौराहिराजपीडा च धनधान्य पशुक्षयः ।द्वितीयद्यूननाथे तु देहकष्टं भविष्यति ॥ 6 ॥
7. श्लोक 7अनड्वाहं प्रदद्याच्च रुद्रजाप्यं च कारयेत्‌ ।आरोग्यं जायते तस्य सर्वसम्पत्प्रदायकम्‌ ॥ 7 ॥
8. श्लोक 8कुंडली के 1 नियमकुजस्यान्तर्गते राहौ स्वोच्चे मूल त्रिकोणगे ।शुभयुक्ते शुभदृष्टे केन्द्रलाभत्रिकोणगे ॥ 8 ॥
9. श्लोक 9कुंडली के 1 नियमतत्काले राजसम्मानं गृहभूम्यादि लाभकृत्‌ ।कलत्र पुत्रलाभः स्याद्‌ व्यवसायात्फलाधिकम्‌ ॥ 9 ॥
10. श्लोक 10कुंडली के 2 नियमगंगास्नानफलावाप्ति विदेशगमनं तथा ।तथाष्टमव्यये राहौ पापयुक्तेऽथ वीक्षिते ॥ 10 ॥
11. श्लोक 11कुंडली के 1 नियमचौराहिव्रणपीडा च चतुष्पाज्जीवनाशनम् ।वातपित्तरुजो भीतिः कारागृहनिवेशनम् ॥ 11 ॥
12. श्लोक 12कुंडली के 2 नियमधनस्थानं गते राहौ धननाशं महद्भयम्‌ ।सप्तमस्थानगे वापि ह्यपमृत्युर्भयं वदेत्‌ ॥ 12 ॥
13. श्लोक 13नागपूजां प्रकुर्वीत देवब्राह्मण भोजनम्‌ ।मृत्युंजयजपं कुर्यादायुरारोग्य लब्धये ॥ 13 ॥
14. श्लोक 14कुंडली के 1 नियमकुजस्यान्तर्गते जीवे त्रिकोणे केन्द्रगेऽपि वा ।लाभे वा धनसंयुक्ते तुंगांशे स्वांशकेऽपि वा ॥ 14 ॥
15. श्लोक 15कुंडली के 1 नियमसत्कीर्तिं राजसम्मानं धनधान्यादि वृद्धिकृत्‌ ।गृहे कल्याणसम्पत्तिर्दारपुत्रादि लाभकृत्‌ ॥ 15 ॥
16. श्लोक 16कुंडली के 1 नियमदायेशात्केन्द्रराशिस्थे त्रिकोणे लाभगेऽपि वा ।भाग्यकर्माधिपैर्युक्ते वाहनाधिपसंयुते ॥ 16 ॥
17. श्लोक 17कुंडली के 1 नियमलग्नाधिपसमायुक्ते शुभांशे शुभवर्गगे ।गृहक्षेत्रादिवृद्धिश्च गृहे कल्याणसम्पदः ॥ 17 ॥
18. श्लोक 18कुंडली के 1 नियमदेहारोग्यं महत्कीर्तिर्गृहे गोकुलसंग्रहः ।चतुष्पाज्जीवलाभः स्याद्‌ व्यवसायात्फलाधिकम्‌ ॥ 18 ॥
19. श्लोक 19कुंडली के 1 नियमकलत्रपुत्रसौख्यं च राजसम्मानवैभवम् ।षष्ठाष्टमव्यये जीवे नीचे वास्तंगते सति ॥ 19 ॥
20. श्लोक 20कुंडली के 1 नियमपापग्रहेण संयुक्ते दृष्टे वा दुर्बले सति ।चौराहिनृपभीतिश्च पित्तरोगादि सम्भवम्‌ ॥ 20 ॥
21. श्लोक 21कुंडली के 2 नियमप्रेतबाधा भृत्यनाशः सोदराणां विनाशनम्‌ ।द्वितीय द्यूननाथे तु ह्यपमृत्युर्ज्वरादिकम्‌ ॥तद्दोषपरिहारार्थं शिवसाहस्रकं जपेत्‌ ॥ 21 ॥
22. श्लोक 22कुंडली के 1 नियमकुजस्यान्तर्गते मन्दे स्वर्क्षे केन्द्रत्रिकोणके ।मूलत्रिकोणकेन्द्रे वा तुंगांशे स्वांशगे सति ॥ 22 ॥
23. श्लोक 23कुंडली के 1 नियमलग्नाधिपतिना वापि शुभदृष्टियुतेक्षिते ।राज्यसौख्यं यशोवृद्धिः स्वग्रामे धान्यवृद्धिकृत् ॥ 23 ॥
24. श्लोक 24कुंडली के 1 नियमपुत्रपौत्रसमायुक्तो गृहे गोधन संग्रहः ॥स्ववारे राजसम्मानं स्वमासे पुत्रवृद्धिकृत्‌ ॥ 24 ॥
25. श्लोक 25कुंडली के 1 नियमनीचादि क्षेत्रगे मन्दे तथाष्टव्ययराशिगे ।म्लेच्छवर्गप्रभुभयं धनधान्यादिनाशनम्‌ ॥ 25 ॥
26. श्लोक 26कुंडली के 2 नियमनिगडे बन्धनव्याधिरन्ते क्षेत्रनिवासकृत्‌ ।द्वितीय द्यूननाथे तु पापयुक्ते महद्भयम्‌ ॥ 26 ॥
27. श्लोक 27कुंडली के 1 नियमधननाशश्च संचारे राजद्वेषो मनोव्यथा ।चौराग्निनृपपीडा च सहोदर विनाशनम्‌ ॥ 27 ॥
28. श्लोक 29कुंडली के 2 नियमकारागृहादिभीतिश्च राजदण्डो महद्भयम्‌ ॥दायेशात्केन्द्रराशिस्थे लाभस्थे वा त्रिकोणके ॥ 29 ॥
29. श्लोक 30कुंडली के 1 नियमविदेशयानं लभते दुष्कीर्तिर्विविधा तथा ।पापकर्मरतो नित्यं बहुजीवादिहिंसकः ॥ 30 ॥
30. श्लोक 31कुंडली के 1 नियमविक्रयः क्षेत्रहानिश्च स्थानभ्रंशो मनोव्यथा ।रणे पराजयश्चैव मूत्रकृच्छ्रान्महद्भयम्‌ ॥ 31 ॥
31. श्लोक 32कुंडली के 1 नियमदायेशादथ रन्ध्रस्थे व्यये वा पापसंयुक्ते ।तद्भुक्तौ मरणं ज्ञेयं नृपचौरादिपीडनम्‌ ॥ 32 ॥
32. श्लोक 33कुंडली के 1 नियमवातपीडा च शूलादि ज्ञातिशत्रुभयं भवेत्‌ ।तद्दोषपरिहारार्थं मृत्युंजय जपं चरेत्‌ ॥ 33 ॥
33. श्लोक 34कुंडली के 1 नियमकुजस्यान्तर्गते सौम्ये लग्नात्केन्द्रत्रिकोणके ।सत्कथाश्च जपोदानं धर्मबुद्धिर्महद्यशः ॥ 34 ॥
34. श्लोक 35कुंडली के 1 नियमनीतिमार्गप्रसंगश्च नित्यं मिष्टान्नभोजनम् ।वाहनाम्बरपश्वादि राजकर्मसुखानि च ॥ 35 ॥
35. श्लोक 36कुंडली के 2 नियमकृषिकर्मफले सिद्धिर्वारणाम्बरभूषणम् ।नीचे वास्तंगते वापि षष्ठाष्टव्ययगेऽपि वा ॥ 36 ॥
36. श्लोक 37कुंडली के 1 नियमहृद्रोगमानहानिश्च निगडं बन्धुनाशनम्‌ ।दारपुत्रार्थनाशश्च चतुष्पाज्जीवनाशनम्‌ ॥ 37 ॥
37. श्लोक 38कुंडली के 1 नियमदशाधिपेन संयुक्ते शत्रुवृद्धिर्महद्भयम्‌ ।विदेशगमनं चैव नानारोगास्तथैव च ॥ 38 ॥
38. श्लोक 39कुंडली के 2 नियमराजद्वारे विरोधश्च कलहः स्वजनैरपि ।दायेशात्केन्द्रकोणे वा स्वोच्चे युक्तार्थलाभकृत्‌ ॥ 39 ॥
39. श्लोक 40कुंडली के 1 नियमअनेक धननाथत्वं राजसम्मानमेव च ।भूपालयोगं कुरुते धनाम्बरविभूषणम्‌ ॥ 40 ॥
40. श्लोक 41कुंडली के 1 नियमभूरिवाद्यमृदंगादि सेनापत्यं महत्सुखम्‌ ।विद्याविनोदविमला वस्त्रवाहनभूषणम्‌ ॥ 41 ॥
41. श्लोक 42कुंडली के 2 नियमदारपुत्रादिविभवं गृहे लक्ष्मी कटाक्षकृत्‌ ।दायेशात्षष्ठरिःफस्थे रन्ध्रे वा पापसंयुते ॥ 42 ॥
42. श्लोक 43कुंडली के 1 नियमतद्दाये मानहानिः स्यात्‌ क्रूरबुद्धिस्तु क्रूरवाक्‌ ।चौराग्निनृपपीडा च मार्गे दस्युभयादिकम्‌ ॥ 43 ॥
43. श्लोक 44कुंडली के 2 नियमअकस्मात्कलहश्चैव बुधभुक्तौ न संशयः ।द्वितीय द्यूननाथे तु महाव्याधिभयंकरः ॥ 44 ॥
44. श्लोक 45अश्वदानं प्रकुर्वीत विष्णोर्नामसहस्रकम् ।सर्वसम्पत्प्रदं विप्र सर्वारिष्टप्रशान्तये ॥ 45 ॥
45. श्लोक 46कुंडली के 1 नियमकुजस्यान्तर्गते केतौ त्रिकोणे केन्द्रगेऽपि वा ।दुश्चिक्ये लाभगे वापि शुभयुक्ते शुभेक्षिते ॥ 46 ॥
46. श्लोक 47कुंडली के 1 नियमराजानुग्रहशान्तिश्च बहुसौख्यं धनागमः ।किंचित्फलं दशादौ तु भूलाभः पुत्रलाभकृत् ॥ 47 ॥
47. श्लोक 48कुंडली के 2 नियमराजसंलाभ कार्याणि चतुष्पाज्जीव लाभकृत्‌ ।योग कारक संस्थाने बलवीर्यसमन्विते ॥ 48 ॥
48. श्लोक 49कुंडली के 1 नियमपुत्रलाभो यशोवृद्धिर्गृहे लक्ष्मीकटाक्षकृत् ।भृत्यवर्गधनप्राप्तिः सेनापत्यं महत्सुखम् ॥ 49 ॥
49. श्लोक 50कुंडली के 2 नियमभूपालमित्रं कुरुते यानाम्बरविभूषणम्‌ ।दायेशात्षष्ठरिःफस्थे रन्ध्रे वा पापसंयुते ॥ 50 ॥
50. श्लोक 51कुंडली के 1 नियमकलहो दन्तरोगश्च चौरव्याघ्रादिपीडनम्‌ ।ज्वरातिसार कुष्ठादि दारपुत्रादिपीडनम्‌ ॥ 51 ॥
51. श्लोक 52कुंडली के 1 नियमद्वितीयसप्तमस्थाने देहे व्याधिर्भविष्यति ।अपमानमनस्तापौ धनधान्यादि प्रच्युतिम्‌ ॥ 52 ॥
52. श्लोक 53कुंडली के 1 नियमकुजस्यान्तर्गते शुक्रे केन्द्रलाभत्रिकोणगे ।स्वोच्चे वा स्वर्क्षगे वापि शुभस्थानाधिपेऽथवा ॥ 53 ॥
53. श्लोक 54कुंडली के 2 नियमराज्यलाभो महत्सौख्यं गजाश्वाम्बरभूषणम्‌ ।लग्नाधिपेन सम्बन्धे पुत्रदारादिवर्धनम्‌ ॥ 54 ॥
54. श्लोक 55कुंडली के 2 नियमआयुषो वृद्धिरैश्वर्यभाग्यवृद्धिसुखं भवेत्‌ ।दायेशात्केन्द्रकोणस्थे लाभे वा धनगेऽपि वा ॥ 55 ॥
55. श्लोक 56कुंडली के 1 नियमतत्काले श्रियमाप्नोति पुत्रलाभं महत्सुखम्‌ ।मनोमोदो भवेन्नूनं धनवस्त्रादिलाभकृत्‌ ॥ 56 ॥
56. श्लोक 57कुंडली के 1 नियममहाराजप्रसादेन ग्रामभूम्यादिलाभकृत्‌ ।भुक्त्यन्ते फलमाप्नोति गीतनृत्यादिलाभकृत्‌ ॥ 57 ॥
57. श्लोक 58कुंडली के 1 नियमपुण्यतीर्थस्थानलाभं कर्माधिपसमन्विते ।पुण्यधर्मदयाकूपतडागं कारयिष्यति ॥ 58 ॥
58. श्लोक 59कुंडली के 1 नियमदायेशाद्रन्ध्ररिःफस्थे षष्ठे वा पापसंयुते ।करोति दुःखबाहुल्यं देहपीडा धनक्षयम् ॥ 59 ॥
59. श्लोक 60कुंडली के 1 नियमराजचौरादिभीतिश्च गृहे कलहमेव च ।दारपुत्रादिपीडा च गोमहिष्यादिनाशकृत्‌ ॥ 60 ॥
60. श्लोक 61कुंडली के 1 नियमद्वितीयद्यूननाथे तु देहपीडा भविष्यति ।श्वेतां गां महिषीं दद्यादायुरारोग्यवृद्धये ॥ 61 ॥
61. श्लोक 62कुंडली के 1 नियमकुजस्यान्तर्गते सूर्ये स्वोच्चे स्वक्षेत्रकेन्द्रगे ।मूल त्रिकोणे लाभे वा भाग्यकर्मेशसंयुते ॥ 62 ॥
62. श्लोक 63कुंडली के 1 नियमतद्भुक्तौ वाहनं कीर्तिं पुत्रलाभश्च विन्दति ।धनधान्यसमृद्धिः स्यात्‌ गृहे कल्याणसम्पदः ॥ 63 ॥
63. श्लोक 64कुंडली के 1 नियमक्षेमारोग्यं महद्धैर्यं राजपूज्यं महत्सुखम्‌ ।व्यवसायात्फलाधिक्यं विदेशे राजदर्शनम्‌ ॥ 64 ॥
64. श्लोक 65कुंडली के 1 नियमदायेशात्षष्ठरिःफे वा व्यये वा पापसंयुते ।देहपीडा मनस्तापः कार्यहानिर्महद्भयम्‌ ॥ 65 ॥
65. श्लोक 66कुंडली के 2 नियमशिरोरोगोज्वरादिश्च अतिसारमथापि वा ।द्वितीयद्यूननाथे तु सर्पज्वरविषाद्भयम्‌ ॥ 66 ॥
66. श्लोक 67कुंडली के 1 नियमसुतपीडाभयं चैव शान्ति कुर्याद्‌ यथाविधि ।देहारोग्यं प्रकुरुते धनधान्यचयं तथा ॥ 67 ॥
67. श्लोक 68कुंडली के 1 नियमकुजस्यान्तर्गते चन्द्रे स्वोच्चे स्वक्षेत्रकेन्द्रगे ।भाग्यवाहनकर्मेशलग्नाधिपसमन्विते ॥ 68 ॥
68. श्लोक 69कुंडली के 1 नियमकरोति विपुलं गन्धमाल्याम्बरविभूषणम्‌ ।तडागं गोपुरादीनां पुण्यधर्मादिसंग्रहम्‌ ॥ 69 ॥
69. श्लोक 70कुंडली के 1 नियमविवाहोत्सवकर्माणि दारपुत्रादिसौख्यकृत्‌ ।पितृमातृसुखावाप्तिं गृहे लक्ष्मीकटाक्षकृत्‌ ॥ 70 ॥
70. श्लोक 71कुंडली के 1 नियममहाराजप्रसादेन स्वेष्टसिद्धिः सुखादिकम् ।पूर्णे चन्द्रे फलं पूर्णं क्षीणे स्वल्पफलं वदेत् ॥ 71 ॥
71. श्लोक 72कुंडली के 1 नियमनीचारिस्थेऽष्टमे षष्ठे दायेशाद् रिपुरन्ध्रके ।मरणं दारपुत्राणां कष्टं भूमिविनाशनम् ॥ 72 ॥
72. श्लोक 73कुंडली के 2 नियमपशुधान्यक्षयश्चैव चौरादिरणभीतिकृत्‌ ।द्वितीयद्यूननाथे तु ह्यपमृत्युर्भविष्यति ॥ 73 ॥
73. श्लोक 74कुंडली के 1 नियमदेहजाड्यं मनोदुःखं दुर्गालक्ष्मीजपं चरेत्‌ ।श्वेतां गां महिषीं दद्यादायुरारोग्यवृद्धये ॥ 74 ॥