अध्याय 82: प्रव्रज्यायोगाध्यायः

बृहत् पाराशर होराशास्त्र · Brihat Parashara Hora Shastra, chapter 82 (Pravrajya Yog)

13 श्लोक · 1 श्लोकों का पाठ अभी जाँच में है, इसलिए नहीं दिखाए

  1. श्लोक 1अथ विप्र प्रवक्ष्यामि योगं प्रव्रज्यकाभिधम्‌ ।प्रव्रजन्ति जना येन सम्प्रदायान्तरं गृहात्‌ ॥ 1 ॥
  2. श्लोक 2चतुरादिभिरेकस्थैः प्रव्रज्या बलिभिः समाः ।रव्यादिभिस्तपस्वी च कपाली रक्तवस्त्रभृत्‌ ॥ 2 ॥
  3. श्लोक 3एकदण्डी यतिश्चक्रधरो निर्ग्रन्थिकः क्रमात्‌ ।ज्ञेया वीर्याधिकस्यैव सुबलेषु बहुष्वपि ॥ 3 ॥
  4. श्लोक 4सूर्येणास्तंगतास्ते चेदपि वीर्यसमन्विताः ।अदीक्षितास्तदा ज्ञेया जनास्तद्गतभक्तयः ॥ 4 ॥
  5. श्लोक 5अस्तंगता निर्बलाश्चेत्‌ सबलश्च रविर्यदा ।तदा रविभवा ज्ञेया प्रव्रज्या द्विजसत्तम ॥ 5 ॥
  6. श्लोक 6जन्मभेशोऽन्यखेटैश्चेददृष्टः शनिमीक्षते ।तयोर्बलवशात्तत्र प्रव्रज्यामाप्नुयान्नरः ॥ 6 ॥
  7. श्लोक 7निर्बलो जन्मभेशश्चेत् केवलेनार्किणेक्षितः ।तदा शनिभवामेव प्रव्रज्यामाप्नुयान्नरः ॥ 7 ॥
  8. श्लोक 8शनिदृक्काणसंस्थे च शनिभौमनवांशके ।शनिदृष्टे विधौ ज्ञेया प्रव्रज्या शनिसम्भवा ॥ 8 ॥
  9. श्लोक 9कुजादिषु जयी शुक्रः सौम्यगो याम्यगोऽपि वा ।जयी सौम्यगतश्चान्यः परस्परयुतौ भवेत् ॥ 9 ॥
  10. श्लोक 10प्रव्रज्याकारकः खेटो यद्यन्येन पराजितः ।तदा लब्ध्वा परिव्रज्यां परित्यजति तां पुनः ॥ 10 ॥
  11. श्लोक 11बहवो जन्मकाले चेत् प्रव्रज्याकारका ग्रहाः ।बलतुल्यास्तदा तत्र प्रव्रज्या कतमा भवेत् ॥ 11 ॥
  12. श्लोक 12बहवो बलिनश्चेत् स्युः प्रव्रज्याकारका ग्रहाः ।तदा प्राप्नोति सर्वेषां तेषां प्रव्रज्यकां ध्रुवम् ॥ 12 ॥
  13. श्लोक 13तत्तद्ग्रहदशाकाले प्रव्रज्यां याति तद्भवाम् ।त्यक्त्वा गृहीतपूर्वां तामन्यां प्राप्नोति मानवः ॥ 13 ॥
अपनी कुंडली देखें (मुफ़्त)लग्न, राशि, नक्षत्र-पद और दशा — आपके फ़ोन परव्यावहारिक कुंडली विज्ञानकुंडली पढ़ने की चरणबद्ध हिंदी अध्ययन-पुस्तक

यह पुस्तक शैक्षिक अध्ययन-सामग्री है। इसमें दी गई ज्योतिषीय व्याख्याएँ पारंपरिक और सांस्कृतिक अध्ययन के लिए हैं; वे निश्चित भविष्यवाणी, चिकित्सा, कानूनी या वित्तीय सलाह नहीं हैं।