अध्याय 16: लग्नादिद्वादशभावानां समुदायफलम्
फलदीपिका · Phaladeepika, chapter 16 (General results of the twelve houses)
35 श्लोक
- श्लोक 1लग्ननवांशपतुल्यतनुः स्याद्वीर्ययुतग्रहतुल्यतनुर्वा ।चन्द्रसमेतनवांशपवर्णः कादिविलग्नविभक्तभगात्रः ॥१॥
- श्लोक 2लग्नेशे केन्द्रकोणे स्फुटकरनिकरे स्वोच्चभे वा स्वभे वाकेन्द्रादन्यत्रसंस्थे निधनभवनपे सौम्ययुक्ते विलग्ने ।दीर्घायुष्मान्धनाढ्यो महितगुणयुतो भूमिपालप्रशस्तोलक्ष्मीवान् सुन्दराङ्गो दृढतनुरभयो धार्मिकः सत्कुटुम्बी ॥२॥
- श्लोक 3सत्संबन्धयुते कलेबरपतौ सद्ग्रामवासोऽथवासत्सङ्गं प्रबलग्रहेण सहिते विख्यातभूपाश्रयः ।स्वोच्चस्थे नृपतिः स्वयं स्वगृहगे तज्जन्मभूमौ स्थितिःसञ्चारश्चरभे स्थितिः स्थिरगृहे द्वन्द्वं द्विरूपं फलम् ॥३॥
- श्लोक 4विख्यातः किरणोज्वले तनुपतौ सुस्थे सुखी वर्धनोदुःस्थे दुःख्यसदृक्षनीचभवने वासो निकृष्टस्थले ।स्वस्थो जीवति शक्तिमत्युदयभे वर्द्धिष्णुरूर्जस्वलोनिःशक्तौ निहतो विपद्भिरसकृत्खिन्नो भवेदातुरः ॥४॥
- श्लोक 5अर्थस्वामिनि मुख्यभावजुषि सत्स्वर्थे कुटुम्बश्रियासर्वोत्कृष्टगुणो धनी च सुमुखी स्याद्दूरदर्शी नरः ।सम्बन्धे सवितुर्द्वितीयपतिना लोकोपकारक्षमांविद्यामर्थमवाप्नुयादथ शनेः क्षुद्राल्पविद्यारतः ॥५॥
- श्लोक 6जैवे वैदिकधर्मशास्त्रनिपुणो बौधेऽर्थशास्त्रे पटुःशृङ्गारोक्तिपटुर्भृगोर्हिमरुचेः किञ्चित्कलाविद्भवेत् ।कौजे क्रूरकलापटुश्च पिशुनो राहौ स्थिते लोहलःकेतौ भ्रश्यदलीकवाग्धनगतैः पापैश्च मूढोऽधनः ॥६॥
- श्लोक 7बन्धो यदि स्यात्तनुशौर्यनाथयोरन्योन्यराशिस्थितयोर्बलाढ्ययोः ।धैर्यं च शौर्यं सहजानुकूलतां प्राप्नोत्ययं साहसकार्यकर्तृताम् ॥७॥
- श्लोक 8शौर्यपे बलिनि सद्ग्रहयुक्ते कारकेऽपि शुभभावमुपेते ।भ्रातृवृद्धिरथ वीर्यविहीने दुःस्थिते भवति सोदरनाशः ॥८॥
- श्लोक 9अयुग्मराशौ यदि कारकेशौ गुर्वर्कभूसूनुनिरीक्षितौ चेत् ।ओजो गृहः स्याद्यदि विक्रमाख्यः पुंभ्रातरस्त्वंशवशाद्भवेयुः ॥९॥
- श्लोक 10दुःस्थाने सुखपे शशिन्यपि सतां योगेक्षणैर्वर्जितेपापान्तःस्थितिमत्यसद्ग्रहयुते दृष्टे जनन्या मृतिः ।एतौ द्वावपि वीर्यगौ शुभयुतौ दृष्टौ शुभैर्बन्धुगै-र्मातुः सौख्यकरौ विधोश्च सुखगैः सौम्यैर्वदेत्तत्सुखम् ॥१०॥
- श्लोक 11लग्नेशे सुखगेऽथवा सुखपतौ लग्ने तयोरीक्षणेयोगे वा शशिनस्तथा यदि करोत्यन्त्यां स्वमातुः क्रियाम् ।अन्योन्यं यदि शत्रुनीचभवने षष्ठाष्टमे वा तयो-र्मातुर्नोपकरोति नाशसमये बन्धस्तयोर्वा न चेत् ॥११॥
- श्लोक 12मातृभावोक्तवद्वाच्यं पितृभ्रातृसुतादिषु ।भावकारकभावेशलग्नलग्नेश्वरैर्वदेत् ॥१२॥
- श्लोक 13सुस्थौ सुखेशभृगुजौ तनुबन्धुयुक्ता-वान्दोलिकां जनपतेश्वरतां विधत्तः ।स्वर्णाद्यनर्घ्यमणिभूषणपट्टशय्या-कामोपभोगकरणानि च गोगजाश्वान् ॥१३॥
- श्लोक 14दुःस्थे सुखेशे कुजसूर्ययुक्ते सुखेऽपि वा जन्मगृहं प्रदग्धम् ।जीर्णं तमोमन्दयुतेऽरियुक्ते परैर्हृतं गोक्षितिवाहनाद्यम् ॥१४॥
- श्लोक 15सौम्यर्क्षांशे सौम्ययुक्ते पञ्चमे वा तदीश्वरे ।वैशेषिकांशे सद्भावे धीमान्निष्कपटी भवेत् ॥१५॥
- श्लोक 16स्थितिः पापानां वा द्विषति बलयुक्तारिपतिनायुतो वा दृष्टो वा यदि रिपुगृहे वा तनुपतिः ।अरीशः केन्द्रे वाऽप्यशुभखगसंवीक्षितयुतोरिपूणां पीडां द्राग्भृशमपरिहार्यां वितनुते ॥१६॥
- श्लोक 17षष्ठेश्वरादतिबलिन्युदयाधिनाथेसौम्यग्रहांशसहिते शुभदृष्टियुक्ते ।सौख्येश्वरेऽपि सबले यदि केन्द्रकोणे-ष्वारोग्यभाग्यसहितो दृढगात्रयुक्तः ॥१७॥
- श्लोक 18शत्रुनाथे तु दुःस्थाने नीचमूढारिसंयुते ।तस्माद्बलाढ्ये लग्नेशे शत्रुनाशं रवौ शुभे ॥१८॥
- श्लोक 19यद्भावेशयुतो वैरिनाथो यद्भावसंश्रितः ।षष्ठस्थितो यद्भावेशस्ते भावाः शत्रुतां ययुः ॥१९॥
- श्लोक 20सत्संबन्धयुते सप्तर्क्षे तदीशे बलान्विते ।पतिपुत्रवती साध्वी भार्या सर्वगुणैर्वृता ॥२०॥
- श्लोक 21केन्द्रादन्यत्र रन्ध्रेशे लग्नेशाद्दुर्बले सति ।नाधिर्न विघ्नो न क्लेशो नृणामायुश्चिरं भवेत् ॥२१॥
- श्लोक 22धर्मे कुजे वा सूर्ये वा दुःस्थे तन्नायके सति ।पापमध्यगते वाऽपि पितुर्मरणमादिशेत् ॥२२॥
- श्लोक 23दिवा सूर्ये निशा मन्दे सुस्थे शुभनिरीक्षिते ।धर्मेशे बलसंयुक्ते चिरं जीवति तत्पिता ॥२३॥
- श्लोक 24मन्दारयोः शीतरुचौ च सूर्ये त्रिकोणगे तज्जननीपितृभ्याम् ।त्यक्तो भवेच्छक्रपुरोहितेन दृष्टे तनूजोऽस्ति सुखी चिरायुः ॥२४॥
- श्लोक 25शनिर्भाग्याधिपः स्याच्चेच्चरस्थो न शुभेक्षितः ।सूर्ये दुःस्थानगेऽप्यन्यपितरं ह्युपजीवति ॥२५॥
- श्लोक 26धर्मे तदीशे वा मन्दयुक्ते दृष्टेऽपि वा चरे ।जातो दत्तो भवेन्नूनं व्ययेशे बलशालिनि ॥२६॥
- श्लोक 27नभसि शुभखगे वा तत्पतौ केन्द्रकोणेबलिनि निजगृहोच्चे कर्मगे लग्नपे वा ।महितपृथुयशाः स्याद्धर्मकर्मप्रवृत्तिःनृपतिसदृशभाग्यं दीर्घमायुश्च तस्य ॥२७॥
- श्लोक 28ऊर्जस्वी जनवल्लभो दशमगे सूर्ये कुजे वा महत्कार्यं साधयति प्रतापबहुलं खेशश्च सुस्थो यदि ।सद्व्यापारवतीं क्रियां वितनुते सौम्येषु सच्छ्लाघितांकर्मस्थेष्वहिमन्दकेतुषु भवेद्दुष्कर्मकारी नरः ॥२८॥
- श्लोक 29लाभेशे यद्भावनाथयुक्ते यद्भावगेऽपि वा ।भावं तदनुरूपस्य वस्तुनो लाभगैरपि ॥२९॥
- श्लोक 30व्ययस्थितो यद्भावेशो व्ययेशो यत्र तिष्ठति ।तस्य भावस्यानुरूपवस्तुनो नाशमादिशेत् ॥३०॥
- श्लोक 31भावेशस्थितभांशकोणमपि वा भावं तु वा लग्नपोलग्नेशस्थितभांशकोणमुदयं वाऽयाति भावाधिपः ।संयोगेऽपि विलोकनेऽपि च तयोस्तद्भावसिद्धिं तदाब्रूयात्कारकयोगतस्तनुपतेर्लग्नाच्च चन्द्रादपि ॥३१॥
- श्लोक 32यद्भावेशस्थितर्क्षांशत्रिकोणस्थे गुरुर्यदा ।गोचरे तस्य भावस्य फलप्राप्तिं विनिर्दिशेत् ॥३२॥
- श्लोक 33लग्नारिनाथयोगे तु लग्नेशाद्दुर्बले रिपौ ।तदा तद्वशगः शत्रुर्विपरीतमतोऽन्यथा ॥३३॥
- श्लोक 34यद्भावपस्य तनुपस्य भवत्यरित्वं-तत्कालशत्रुवशतोऽरिमृतिस्थितैर्वा ।स्पर्धां तदा वदतु तेन च गोचरस्थ-स्तद्वत्सुहृत्त्वमपि संयुतिमैत्रतश्च ॥३४॥
- श्लोक 35लग्नेशयद्भावपयोस्तु योगो यदा तदा तत्फलसिद्धिकालः ।भावेशवीर्ये शुभमन्यथान्यल्लग्नाच्च चन्द्रादपि चिन्तनीयम् ॥३५॥
अपनी कुंडली देखें (मुफ़्त)लग्न, राशि, नक्षत्र-पद और दशा — आपके फ़ोन परव्यावहारिक कुंडली विज्ञानकुंडली पढ़ने की चरणबद्ध हिंदी अध्ययन-पुस्तक
यह पुस्तक शैक्षिक अध्ययन-सामग्री है। इसमें दी गई ज्योतिषीय व्याख्याएँ पारंपरिक और सांस्कृतिक अध्ययन के लिए हैं; वे निश्चित भविष्यवाणी, चिकित्सा, कानूनी या वित्तीय सलाह नहीं हैं।