अध्याय 24: होरासारोक्ताष्टकवर्गफलम्
फलदीपिका · Phaladeepika, chapter 24 (Ashtakavarga results (Horasara))
39 श्लोक · 5 श्लोक (आयु या मृत्यु से संबंधित) यहाँ नहीं दिखाए
- श्लोक 1अर्कस्थितस्य नवमो राशिः पितृगृहः स्मृतः ।तद्राशिफलसंख्याभिर्वर्द्धयेच्छोध्यपिण्डकम् ॥१॥
- श्लोक 7चन्द्रात्सुखफलैः पिण्डं हत्वा सारावशेषितम् ।शनौ याते मातृहानिः त्रिकोणर्क्षगतेऽपि वा ॥७॥
- श्लोक 8चन्द्रात्सुखाष्टमेशांशत्रिकोणे दिवसाधिपे ।मातुर्वियोगं तन्मासे निर्दिशेल्लग्नतः पितुः ॥८॥
- श्लोक 9भौमात्तृतीयराशिस्थफलैर्भ्रातृगणं वदेत् ।बुधात्सखफलैर्बन्धुगणं वा मातुलस्य च ॥९॥
- श्लोक 10गुरुस्थितसुतस्थाने यावतां विद्यते फलम् ।शत्रुनीचग्रहं त्यक्त्वा शेषास्तस्यात्मजाः स्मृताः ॥१०॥
- श्लोक 11गुरोरष्टकवर्गे तु शोध्यशिष्टफलानि वै ।क्रूरराशिफलं त्यक्त्वा शेषास्तस्यात्मजाः स्मृताः ॥११॥
- श्लोक 12फलाधिकं भृगोर्यत्र तत्र भार्याजनिर्यदि ।तस्यां वंशाभिवृद्धिः स्यादल्पे क्षीणार्थसंततिः ॥१२॥
- श्लोक 13शोध्यपिण्डं शनेर्लग्नाद्धत्वा रन्ध्रफलैः सुखैः ।हृत्वावशेषभं याते मन्दे जीवेऽपि वा मृतिः ॥१३॥
- श्लोक 14लग्नादिमन्दान्तफलैक्यसंख्यावर्षे विपत्तिस्तु तथार्कपुत्रात् ।यावद्विलग्नान्तफलानि तस्मिन्नाशो हि तद्योगसमानवर्षे ॥१४॥
- श्लोक 15अष्टमस्थफलैर्लग्नात्पिण्डं हत्वा सुखैर्भजेत् ।फलमायुर्विजानीयात्प्राग्वद्वेलां तु कल्पयेत् ॥१५॥
- श्लोक 16त्रिकोणेषु तु यन्न्यूनं तत्तुल्यं त्रिषु शोधयेत् ।एकस्मिन् भवने शून्ये तत्त्रिकोणं न शोधयेत् ॥१६॥
- श्लोक 17भवनद्वयशून्ये तु शोधयेदन्यमन्दिरम् ।समत्वे सर्वगेहेषु सर्वं संशोधयेत्तदा ॥१७॥
- श्लोक 18त्रिकोणशोधनां कृत्वा पश्चादैकाधिपत्यकम् ।क्षेत्रद्वये फलानि स्युस्तदा संशोधयेत्सुधीः ॥१८॥
- श्लोक 19ग्रहयुक्ते फलैर्हीने ग्रहाभावे फलाधिके ।ऊनेन सदृशन्त्वस्मिन् शोधयेद्ग्रहवर्जिते ॥१९॥
- श्लोक 20फलाधिके ग्रहैर्यक्ते चान्यस्मिन् सर्वसुत्सृजेत् ।सग्रहाग्रहतुल्यत्वे सर्वं संशोध्यमग्रहात् ॥२०॥
- श्लोक 21उभाभ्यां ग्रहहीनाभ्यां समत्वे सकलं त्यजेत् ।उभयोर्ग्रहसंयुक्ते न संशोध्यं कदाचन ॥२१॥
- श्लोक 22एकस्मिन् भवने शून्ये न संशोध्यं कदाचन ।द्वावग्रहौ चेद्यन्न्यूनं तत्तुल्यं शोधयेद्द्वयोः ॥२२॥
- श्लोक 23शोध्यावशिष्टं संस्थाप्य राशिमानेन वर्द्धयेत् ।ग्रहयुक्तेऽपि तद्राशौ ग्रहमानेन वर्द्धयेत् ॥२३॥
- श्लोक 24गोसिंहौ दशगुणितौ वसुभिर्मिथुनालिभे ।वणिङ्मेषौ च मुनिभिः कन्यकामकरे शरैः ॥२४॥
- श्लोक 25शेषाः स्वमानगुणिताः कर्किचापघटीझषाः ।एते राशिगुणाः प्रोक्ताः पृथग्ग्रहगुणाः पृथक् ॥२५॥
- श्लोक 26जीवारशुक्रसौम्यानां दशवसुसप्तेन्द्रियैः क्रमाद्गुणिताः ।बुधसंख्या शेषणां राशिगुणाद्ग्रहगुणः पृथक्कार्यः ॥२६॥
- श्लोक 27एवं गुणित्वा संयोज्य सप्तभिर्गुणयेत्पुनः ।सप्तविंशहृताल्लब्धवर्षाण्यत्र भवन्ति हि ॥२७॥
- श्लोक 28द्वादशाद्गुणयेल्लब्धा मासाहर्घटिकाः क्रमात् ।सप्तविंशति वर्षाणि मण्डलं शोधयेत्पुनः ॥२८॥
- श्लोक 29अन्योऽन्यमर्द्धहरणं ग्रहयुक्ते तु कारयेत् ।नीचेऽर्द्धमस्तगेऽप्यर्द्धहरणं तेषु कारयेत् ॥२९॥
- श्लोक 30शत्रुक्षेत्रे त्रिभागोनं दृश्यार्द्धहरणं तथा ।त्र्यंशोनहरणं भङ्गे सूर्येन्द्वोः पातसंश्रयात् ॥३०॥
- श्लोक 31वहुत्वे हरणे प्राप्ते कारयेद्बलवत्तरम् ।पश्चात्तान् सकलान् कृत्वा वराङ्गेण विवर्द्धयेत् ॥३१॥
- श्लोक 32मातङ्गलब्धं शुद्धायुर्भवतीति न संशयः ।पूर्ववद्दिनमासाब्दान् कृत्वा तस्य दशा भवेत् ॥३२॥
- श्लोक 33एवं ग्रहाणां सर्वेषां दशां कुर्यात् पृथक् पृथक् ।अष्टवर्गदशामार्गः सर्वेषामुत्तमोत्तमः ॥३३॥
- श्लोक 34बालो बलिष्ठो लवणागमोसुरो रागी मुरारिः शिखरीन्द्रगाथया ।भौमो गणेन्द्रो लघुभावतासुरो गोकर्णरक्ता तु पुराणमैथिली ॥३४॥
- श्लोक 35रुद्रः परं गह्वरभैरवस्थली रागी बली भास्वरगीर्भगाचलाः ।गिरौ विवस्वान्बलवद्विवक्षया शूली मम प्रीतिकरोऽत्र तीर्थकृत् ॥३५॥
- श्लोक 36सर्वकर्मफलोपेतमष्टवर्गकमुच्यते ।अन्यथा बलविज्ञानं दुर्ज्ञेयं गुणदोषजम् ॥३६॥
- श्लोक 37त्रिंशाधिकफला ये स्यू राशयस्ते शुभप्रदाः ।पञ्चविंशात्परं मध्यं कष्टं तस्मादधः फलम् ॥३७॥
- श्लोक 38मध्यात्फलाधिकं लाभे लाभात् क्षीणतरे व्यये ।यस्य व्ययाधिके लग्ने भोगवानर्थवान् भवेत् ॥३८॥
- श्लोक 39मूर्त्यादि व्ययभावान्तं दृष्ट्वा भावफलानि वै ।अधिके शोभनं विद्याद्धीने दोषं विनिर्दिशेत् ॥३९॥
- श्लोक 40षष्ठाष्टमव्ययांस्त्यक्त्वा शेषेष्वेव प्रकल्पयेत् ।श्रेष्ठराशिषु सर्वाणि शुभकार्याणि कारयेत् ॥४०॥
- श्लोक 41लग्नात्प्रभृति मन्दान्तमेकीकृत्य फलानि वै ।सप्तभिर्गुणयेत्पश्चात्सप्तविंशहृतात्फलम् ॥४१॥
- श्लोक 42तत्समानगते वर्षे दुःखं वा रोगमाप्नुयात् ।एवं मन्दादि लग्नान्तं भौमराह्वोस्तथा फलम् ॥४२॥
- श्लोक 43शुभग्रहाणां संयोगसमानाब्दे शुभं भवेत् ।पुत्रवित्तसुखादीनि लभते नात्र संशयः ॥४३॥
- श्लोक 44सङ्ग्रहेण मया प्रोक्तमष्टवर्गफलं त्विह ।तज्ज्ञैर्विस्तरतः प्रोक्तमन्यत्र पटुबुद्धिभिः ॥४४॥
अपनी कुंडली देखें (मुफ़्त)लग्न, राशि, नक्षत्र-पद और दशा — आपके फ़ोन परव्यावहारिक कुंडली विज्ञानकुंडली पढ़ने की चरणबद्ध हिंदी अध्ययन-पुस्तक
यह पुस्तक शैक्षिक अध्ययन-सामग्री है। इसमें दी गई ज्योतिषीय व्याख्याएँ पारंपरिक और सांस्कृतिक अध्ययन के लिए हैं; वे निश्चित भविष्यवाणी, चिकित्सा, कानूनी या वित्तीय सलाह नहीं हैं।